HəftəmİZ

Azərbaycan Respublikasının Prezidenti cənab İlham Əliyev 1 fevral 2019-cu il tarixində Azərbaycan Gənclər Gününə həsr olunmuş respublika toplantısındakı nitqində dövlət qurumları tərəfindən gənclərin könüllü fəaliyyətinə cəlb olunmasını tövsiyə etmişdir. Bu çağırışa uyğun olaraq 2019-2021-ci il ərzində bir çox dövlət qurumlarının nəzdində könüllü qrupları və təşkilatları təsis edilmiş, 2020-ci il isə Azərbaycanda “Könüllülər ili” elan edilmişdir. 2020-ci ildə eyni zamanda Azərbaycanda könüllülük hərəkatının inkişafına göstərilən yüksək diqqət və qayğının nəticəsi olaraq Gənclər Fondunun dəstəyi ilə Azərbaycan Könüllü Təşkilatları İttifaqı təsis olunmuş və ölkədə fəaliyyət göstərən bütün aparıcı könüllü təşkilatları İttifaqın fəaliyyətinə cəlb olunmuşdur.

2018-ci ildən başlayaraq Azərbaycan Respublikası Gənclər Fondu və tərəfdaş qurumların təşkilatçılığı ilə hər ilin dekabr ayında “Azərbaycan Könüllülük Həftəsi” layihəsi həyata keçirilməkdədir. Həftə çərçivəsində minlərlə könüllünün iştirakı ilə ölkəmizin bütün şəhər və rayonlarını əhatə edən silsilə tədbirlər (sosial və ekoloji layihələr, əyləncəli yarışlar, konsert proqramları, düşərgələr və s.) keçirilir.

Bu ildə ənənəyə sadiq qalaraq 1-10 dekabr 2022-ci il tarixlərində “Azərbaycan Könüllülük Həftəsi 2022” layihəsi keçiriləcəkdir. Layihə çərçivəsində baş tutacaq bütün fəaliyyətlərlə daha ətraflı veb sayt və ya Azərbaycan Könüllü Təşkilatları İttifaqının sosial media hesabları vasitəsilə məlumat əldə edə bilərsiz.

Həftənin əsas tədbiri 5 dekabr tarixində 3000 könüllünün iştirakı ilə təşkil olunacaq “Azərbaycan Könüllülərinin V Həmrəylik Forumu”dur. Forumun gündəliyinə daxildir:

- Könüllü təşkilatlarının sərgisi,

- Forumun Açılış Mərasimi və Plenar Sessiya,

- Azǝrbaycan Könüllülǝri adından cǝnab Prezidentǝ ünvanlanan mǝktubun mǝruzǝsi,

- «İlin könüllülərinin» mükafalandırılması,

- Fəal könüllülərin çıxışları,

- “Qayıdış Könüllüləri” proqramının video- təqdimatı,

- Şuşa və Ağdam könüllülərinin simvolik yola salınması

6-9 dekabr tarixlərində 200 könüllünün iştirakı ilə təşkil olunacaq “Azərbaycan Könüllülərinin Həmrəylik Düşərgəsi" keçiriləcəkdir. Düşərgənin proqramına daxildir:

- Müxtəli mövzularda ekspertlərin iştirakı ilə panel görüşlǝri,

- Karyera, Könüllük və digər əlaqəli mövzularda təlimlər,

- Düşərgənin keçirildiyi rayon üzrə maraqlı yerlərə ekskursiyalar

- Könüllülər üçün intelektual vǝ idman yarışları,

- Əylǝncǝ proqramı.